線與平面及兩平面的相交角
14.7 理解一線和一平面的相交角和兩平面的 相交角 (Understand the Angle between a Line and a Plane, and the angle between 2 Planes)
Angle between lines and planes 係指兩條線、一條線同一個平面, 或兩個平面相交後所形成的夾角。相交角能形成嘅唯一條件就係佢地要相交 (即唔係平行)。
看似好深,但只要利用前面學咗嘅投影概念, 大家就可以好容易咁睇到一條線同一個平面 以及兩個平台嘅相交角。
14.7.1 線與平面的交角 (Angle between a line and a plane)
睇一條線同一個平面嘅交角嘅步驟如下:
- 留意題目叫你搵邊個面同邊條邊嘅交角
- 想像用枝電筒對正個平面(好似右圖中嘅光)
- 喺平面上面劃一條線嚟代表影子 (即作出一個正投影)
- 條線同佢嘅影子嘅夾角就係“線與平面的相交角”
例子:求下圖中:
- 直線DF與平面EFHG的相交角
- 直線DF與平面AEGD的相交角
解說:
- 要求DF與平面EFHG嘅交角時,先用電筒對正個平面。DF嘅影子係直線GF。
- 因此,要求DF與平面EFHG嘅相交角係 ∠DFG。
- 要求DF與平面AEGD嘅交角時,先用電筒對正個平面。DF嘅影子係直線DE。
- 因此,要求DF與平面AEGD嘅相交角係 ∠FDE。
14.7.2 兩個平面的交角 (Angle between 2 Planes_
求兩個平面嘅交角嘅步驟如下:
- 留意題目叫你搵邊兩個平面嘅交角
- 先搵依兩個平面互相接觸時嘅相交線(右圖中嘅紅線)
- 分別喺兩個平面上劃條垂直於紅線嘅線(右圖中嘅藍線)
- 依兩條藍線嘅夾角就係“兩個平面的交角”
14.7.3 點與面的距離 (Distance between a Point and a Plane)
其實大家都應該唔難想像到點與面的距離係指點與面當中嘅“鉛垂線長度”。