DSE Math 課程分析

只要好好睇一次個 DSE Math 課程分析, 學嘅時候就會更容易跟。

按教育局嘅課程指引 (中文版(2017)、英文版(2017))，中四至中六數學(即DSE數學)課程同初中數學課程一樣都係包括三個學習範疇及一個「進階學習單位」，：

三個學習範疇包括：
- 數與代數 (Number and Algebra)
- 度量、圖形與空間 (Measure, Shape and Space)
- 數據處理 (Data Handling)
每一個範疇入面分別有多個單元。

進階學習單位包括下面兩個課題：
- 數學的進一步應用
- 探索與研究每一個範疇入面分別有多個單元 (即課題)。
不過就咁睇個課程，有依兩課最主要嘅目的應該只係為咗提升大家對數學嘅興起、探索同思考能力。咁虛無飄緲嘅課題，真係唔知佢可以點考，所以照計就唔應該會有題目係特別出嚟考依兩課。學校教唔教都係一個問題。

此外，教育局指出”必修部份”係分咗做”基礎課題”及”非基礎課題”兩個部分。簡單嚟講每個學習單元入面淺嘅部分就係”基礎課題”，而難嘅部分就係”非基礎課題”。

DSE數學課程的學習單位

喺中學文憑數學科嘅”課程及評估指引”入面已經講明”數學課程(中四至中六)是現行的數學課程(中一至中三)的延續”，所以教育局就唔再好似以前咁將初中學過，但又會喺中學文憑公開試會考嘅課題寫喺個課程入面。

所以嗰D咩”主項變換”、”百分數”、”立體面形求積法” 、”統計中的圓形圖”等課題，大家都係要識嘅。

到依度，大家好自然會有個問題:”咁到底有幾多初中嘅嘢仲要考？”我諗官方嘅答案一定係”所有初中課程”。不過大家唔駛咁擔心，現實中我諗會特別考嘅只係一小部分。