影響個別需求的因素
C.2.1.影響個別需求的因素
既然“個別需求可以係指某人對物品嘅需求”,所以大家基本上只要諗吓有咩會影響你對某物品嘅需求,咁就會易明同“易作”D。
影響個別需求嘅因素包括:
- 消費者嘅收入
- 大家要留意一點:收入增加並唔一定會提升消費者對物品嘅需求。依個概念會喺後面“優等物品和劣等物品”嗰節度詳細解釋。
- 相關物品嘅價格
- 相關物品包括“輔助品”同“代替品”(詳細內容會喺下一節“輔助品和代替品”度再講)。
- 例子:當藍光影碟剛剛面世嘅時候因為價格偏貴,所以消費者對藍光影碟播放機嘅需求會受影響。
- 消費者對將來價格的預期
- 當消費者預期某物品嘅將來價格會上升嘅時候,對該物品現時嘅需求就會增加。相反,當消費者預期將來價格會下降嘅時候,對該物品現時嘅需求就會減少。
- 留意上面講緊嘅需求係“現時嘅需求”。消費者對將來價格嘅預期通常只會影響到消費者幾時買該物品。“現時嘅需求”增加後可能會導致“未來嘅需求”下降。
- 例如當人預期樓價會上升嘅時候,大家都想“盡快”買樓。
- 又例如當消費者知邊某時裝店下一個月會減價嘅時候,大家就會將購買計劃延遲。
- 當消費者預期某物品嘅將來價格會上升嘅時候,對該物品現時嘅需求就會增加。相反,當消費者預期將來價格會下降嘅時候,對該物品現時嘅需求就會減少。
- 消費者的偏好
- 當消費者對某種物品嘅偏好增加,對該物品嘅需求亦會增加。反之亦然。
- 例如當某人愛上某零食嘅時候,佢自然會購買更多該零食。
- 天氣與氣候
- “天氣”同“氣候”嘅分別主要在於所講嘅時間係長定短。“天氣”係指一個短時間內天氣而“氣候”就係指一個較長時間嘅整體天氣環境。
- 例如喺夏天嘅時候,人們對雪糕等消暑物品嘅需求會增加