輔助品和代替品、優等物品和劣等物品

C.2.2. 輔助品和代替品、優等物品和劣等物品

C.2.2.1 輔助品和代替品

輔助品係指“須要一齊使用先可以滿足人嘅慾望嘅兩種物品”。

• 例如“DVD播放機”同“DVD影碟”之間嘅關係就係輔助品。
• 既然兩種物品要一齊用，所以當其中一種物品嘅需求增加咗，相關輔助品嘅需求亦會增加。

代替品係指“能輕易互相代替嚟滿足人相同嘅慾望嘅兩種物品”。

• 例如“DVD播放機”同“藍光影碟播放機”之間嘅關係就代替品。另一個例子係“McDonald漢堡飽”同“BurgerKing漢堡飽”。
• 可能係你會話“DVD播放機根本播唔到藍光影碟”，所以“DVD播放機”根本取代替唔到“藍光影碟播放機”。
  • 但因為兩者基本上都係可以用嚟喺屋企睇電影，所以佢哋合乎代替品嘅定義。
• 既然兩種物品可以輕易互相取替對方，佢哋某程度上有一定嘅“競爭性”。
  所以當其中一種物品嘅需求增加咗，相關代替品嘅需求就會減少。

C.2.2.2. 優等物品和劣等物品

喺前面嗰節我哋提到消費者嘅收入增加並唔一定會提升消費者對物品嘅需求。

• 如果“消費者收入增加導致對某物品嘅需求增加，反之亦然”，咁該物依就係“優等物品”。
• 相反，如果“消費者收入增加導致對某物品嘅需求減少，反之亦然”，咁該物依就係“劣等物品”。
• 其實當中道理好簡品，當一個人有錢嘅時候，佢就會傾向多購買“優等物品”、少購買“劣等物品”。個概令會喺後面“優等物品和劣等物品”嗰節度詳細解釋。
• 大家要留意好多時候“優等”同“劣等”係一個相對嘅概念，亦可能因人而異。例如
  • 對同學甲嚟講，佢每日都食“McDonald漢堡飽”。但佢嘅收入（零用錢）增加之後，佢就改食“BurgerKing漢堡飽”。因此對佢嚟講“McDonald漢堡飽”就係“劣等物品”。
  • 但對於同學乙嚟講，如果佢嘅收入唔夠佢去食“McDonald漢堡飽”，但當收入增加之後就可以日日去食，咁對佢嚟講“McDonald漢堡飽”就係“優等物品”。