C.2. 個別需求 (Individual Demand)

喺未講 個別需求 之前，我哋先講吓一D同“需求”有關嘅知識。

需求的定義

需求係指喺一段時間內、當其他因素不變嘅情況之下，消費者喺不同價格願意並有能力購買嘅物品數量。

• 唔知你覺唔覺得需求嘅定義同“需求量”嘅內容好似呢？不過大家要記住同識得分：
  • 需求量係喺某一個價格下消費者願意並有能力購買嘅物品數量
  • 需求係喺不同價格下消費者願意並有能力購買嘅物品數量。
    • 因此，需求係講緊“多個唔同價格下嘅需求量”。

表達需求嘅方法

因為需求係講緊“多個唔同價格下嘅需求量”，所以通常我哋會用“需求表”或者“需求曲線圖”嘅形式嚟表達需求。

• 下面就顯示咗某一物品嘅需求表同需求曲線。

• 通常我哋會用D、D₀、D₁等嚟標記唔同嘅需求曲線（因為需求英文係“demand”）。
• “利用需求表嚟畫條需求曲線”同“從需求曲線上睇返唔同價格下嘅需求量”嘅技巧同數學入面坐標幾何學嘅技巧係一樣嘅。
• 通常需求曲線都係一條向右下傾斜（即斜率係負數）嘅曲線。
  • 咁係因為根據需求定律，如果價格上升，需求量就會下降。
• 而為求簡化個情況，喺文憑課程入面嘅需求曲線應該會係直線。

需求的分類

需求可以分為 個別需求 和 巿場需求

• 個別需求 可以係指某人、某群體或巿場內某指定範圍對物品嘅需求。
• 巿場需求就係整個巿場對物品嘅需求

後面幾節，我會再詳細咁講解有關個別需求要學的內容:

1. 影響個別需求的因素
2. 輔助品和代替品、優等物品和劣等物品
3. 個別需求表和其他因素不變的假設的重要性
4. 需求量改變和需求改變的分別。