邊際回報遞減定律

B.6.2. 邊際回報遞減定律 (Law of diminishing marginal returns)

DSE課程清楚指出我哋只須用“總產量表”、“平均產量表”同“邊際產量表”嚟說明 邊際回報遞減定律  (Law of diminishing marginal returns)。

所以我哋先要學咩係“總產量、平均產量同邊際產量”。

1. 總產量係指某段時期內嘅總產出數量。
   • 例如一個月嘅總產量、一年嘅總產量。
2. 平均產量係指某段時期內每單位可變生產要素嘅平均生產嘅產出數量。
   •  最常見嘅“可變生產要素”應該係“勞力”。
     • 大家要記住一個生產要素係唔係“可變”其實好睇講緊嘅時間係長定短。
       例如只要時間夠，機器亦可以係“可變生產要素”。
   • “平均產量”嘅例子有：每名工人每日可生產嘅產出數量。
   • 至於點解特別要指明“可變生產要素”就請睇埋下面嗰一點。
3. “邊際產量係指某段時期內變動“一個單位”嘅可變生產要素所導致嘅總產量變化。
   • 大家一定要明白“邊際產量”同“平均產量”唔同！
   • 例如：大強參加陸運會用咗12秒跑完100m，結果包尾。小強就叫佢下年不如去跑1500米，話係因為：
     • 當你平均跑100m用12秒，跑1500米就要 15 x 12 = 180秒 = 3分鐘。
     • 1500m世界紀錄都成3分20幾秒…你仲唔sure win！
   • 係人都大強冇可能用“平均12秒跑100m”嘅速度一直咁跑落去，大強會越跑越慢！
     • 依個其實就係“邊際回報遞減定律”嘅概念。

好喇，喺時候入正題，講吓咩係 邊際回報遞減定律 。邊際回報遞減定律指出：

• 在短期生產內，假若其他因素（例如生產方法、科技水平）不變，當不斷喺現有嘅固定生產要素上增加可變生產要素嘅時候，可變生產要素嘅邊際產量最終會遞減。

留意定律中嘅特別字眼:

• “短期生產”
  如果唔係短期生產，根本唔會有“固定生產要素”。
• “其他因素不變”
  咁喺要確保產量嘅改變係因為可變生產要素嘅改變而產生嘅。
• “最終會遞減”
  定律唔係話“一定會遞減”，而係“最終”。咁即係當可變生產要素最初增加嘅時候，“可變生產要素嘅邊際產量”可能會提升。但只是可變生產要素一路係咁增加落去，最終“可變生產要素嘅邊際產量”都會遞減。

另一樣我哋要明白嘅係依個定律只係一個實證定律。

• 即係話依個定律係由現實世界中嘅不同觀察中歸納出嚟嘅，唔可以好似數學定理嘅證明。

下面喺一個廠商嘅“每日投入及產出”列表。從中我哋可以睇吓個定律到底講緊咩。

先解釋吓個表各一欄嘅數據到底係代表咩、或者係點計出嚟。

• “資本”係一個“固定生產要素”。“5”係個隨意數，重點係“不變”。
• “勞力”係一個“可變生產要素”，係今次研究嘅重點。
• “總產量”係一個“收集返嚟嘅數據”而唔係計出嚟嘅。
• “平均產量”其實應該係叫“每單位勞力每日平均產量”。
  • 計算方法： 平均產量 = 總產量 / 勞力數量
• “邊際產量”其實詳細D應該係“勞力的邊際產量”。
  • 計算方法：  邊際產量= 產量嘅改變 / 勞力數量嘅改變
  • 因為列表中每行嘅勞力數量係“上一行加1”，所以“每一行嘅邊際產量嘅值”等於“每行嘅總產量 – 上一行嘅總產量”。
• 整體嚟講，當勞力增加嘅時候，總產量同邊際產量首先會上升，但最終反而會下跌。
  • 總量產方面，
    • 當勞力由零增加至4期間，總產量不斷上升。
      • 解釋：最初固定生產要素（例如機器）未被充份利用，因此當聘用更多勞力嘅時候，總產量會提升。
    • 當勞力數量係4嘅時候，總產量達到最大值。
    • 當勞力數量增加而5嘅時候總產量已經唔會再上升，之後更加開始下跌。
      • 解釋：但當勞力不斷增加嘅時候，固定生產要素更會成為樽項部份，而總產能便無法提升而一旦邊際產量變成負數嘅時候，總產量更會下跌。
  • 邊際產量方面，
    • 當勞力由零增加至2嘅期間，邊際產量嘅增幅上升。留意當勞力數量係1嘅時候，總量產係5。而當勞力增加一倍（即10），但總產量就唔少增加一倍。
      • 當勞力到達一定數量嘅時候分工就可以實行。因此邊際產量嘅增幅上升。
    • 當勞力數量係2嘅時候，邊際產量到最大值。
    • 之後邊際產量可以遞減。邊際產量到逹零嘅一刻代表總產量不會再增加。而邊際產量係負數嘅時候代表總產量下跌。
      • 雖然勞工多可以進行分工，但當勞力不斷增加嘅時候協調會變得困難（正所謂人多手腳亂），因此邊際產量上升嘅速度會遞減。
      • 一旦固定生產要素成為樽頸，增加勞力甚至會使邊際產量變成負數。原因可以係因為有工人冇嘢做、因此員工士氣下降。