股票和債券作為資本來源

B.1.3. 股票和債券作為資本來源

喺” 股票和債券作為資本來源 “依課我哋要學嘅就係股票同債券點解可以作為一間有限公司嘅資本來源。而股票、債券又扮演咩解色、有咩特點和兩都之者的分別。

B.1.3.1. 股票與債券的概念

喺度先太約講一講股要同債券嘅概念，等大家有一個concept。

• 股票可以講係將一間公司嘅所有權量化。
  • 如果一間公司發行咗100股公司嘅股票。咁如果你買咗50股，咪就代表你擁有咗半間公司（包括當中有形或無形嘅資產）。
• 債券簡單嚟講即係“借據”。

先解釋股票點解可以作為一間有限公司嘅資本來源：

• 假設一間公司本身已發行咗100萬股股票。
• 而因為要進一步發展業務，公司想要籌集500萬資金。
• 喺依個時候公司可能會選擇發行新股“賣”俾其他人（例如發行多50 萬股、以每股$10嘅價格發售）。
  • 留意私人有限公司嘅股票係唔可以喺“港交所”度交易嘅（即係大家平日聽嘅“買賣股票）。佢哋好可能係將股票賣俾現有嘅股東、或賣俾新加入嘅股東。
  • 而剛成立嘅公眾公司就可以透過“首次公開發售”（IPO）向公眾發售股票。
  • 而現有嘅上巿公司可以透過“供股”、“批股”等形式發售股票。
• 咁只要有人肯買公司嘅股票，咁公司就可以有新嘅資金。

喺度再講一D題外話：

• 喺上面嘅例子，到底我應唔應該用$10嚟買一股公司嘅股票呢？
  • 因為公司最終一共發行咗150萬股嘅股票，所以如果公司嘅資產總值係6000萬。咁計一計數，6000萬 / 150萬 = $40，所以理論公司如果馬上清盤，我可以攞返$40。所以依間公司嘅股票“抵買”。
  • 而有時就算公司每股嘅“真實”價值比股票嘅時價低都會有人，咁係因為大家覺得公司有得發展，所以最終每股嘅“真實”價值會上升。

依家再解釋債券點解可以作為一間有限公司嘅資本來源：

• 留意只有公眾有限公司先可以發行債券。
• 而公司發行債券嘅時候會訂立債券嘅條款，例如利息率、利息日期、到期日（即幾先會把購買債券嘅本金償還）、公司能否提早贖回債券等等。
• 只要有人肯買公司嘅債券，咁公司就可以有新嘅資金。

喺度再講一D題外話：

• 對唔同嘅公司嚟講，因為公司嘅前途、現有財政狀況不同，所以公司要用唔同咗利息率嚟吸引人購買公司嘅債券。

B.1.3.2. 股票與債券的比較和分拆

有咗前面講咗基本知識，我哋就可以將股票同債券作比較仔細嘅比較同分柝。

另一方面，既然股票同債券都可以作為資本來源，咁一間公司又點決定用邊個方法嚟籌集資金呢？要解答依個問題就先了解發行股票同債券對公司嘅影響（好處及壞處）：