對數在生活中的應用

3.6  欣賞 對數在生活中的應用 (Appreciate the Applications of Logairthms in Real-Life Situations)

其實大家平日都有接觸對數在生活中的應用(Applications of Logairthms)，只不過我哋唔覺。例如：

• 表示地震強度嘅“黎克特制”其實係用咗log嚟計嗰地震級數嘅。
• 表示聲音大細聲嘅“分貝”都係用咗一條同log關嘅公式計出嚟嘅。

而所謂“欣賞對數在現實生活中的應用”其實要學嘅就係“做同對數有關嘅文字題”。

• 不過大家可以放心，題目一定會講條公式係咩，而唔駛我們背“分貝”等公式。
• 大家要做嘅嘢通常都係代吓數字入條公式度計返個出值出嚟（例如有幾多分貝）。

根據會考嘅“往績”，對數嘅文字題基本上係絕少出。

• 我認為係因為對數已經係“非基礎課題”，所以題目要出得深ｄ。
• 但基於大家又唔係學咗好深嘅對數技巧，所以好難出一條乙部嘅長題目。
• 另外就係仲有好多其他更緊要嘅“非基礎課題”要考。

但嚟到中學文憑度又唔同咗講法。根據樣本試題，乙部已經唔一定係每條11分嘅長題目（因為大家已經冇得選題，所以每題嘅分數可以唔同）。乙部可以有一D幾分嘅短題目，所以情況唔同咗。

• 而喺樣本試題入面，卷一乙部第17條就係一條“同對數有關嘅文字題”。
  • 大家可以做一做。

不過因式公式已經俾咗大家，所以大家不必太擔心。