6. 百分法 – 買賣問題
6.3. 買賣問題
其實 買賣問題 唔太難,但同學就好容易計錯數。
錯嘅原因多數係因為同學見到D數字就馬上亂計(又乘又除),見到百分數就馬上用“1 – x%”……
首先,我哋要先明白以下嘅詞彙。為方便理解,你可以當自己係商店老闆,在售賣一件商品。
- 成本:cost
有嘢賣,咁你都要入貨。成本係指你入貨(或製作)時用咗幾多錢。 - 標價:marked price
標價係你最mark低話件商品賣幾錢。 - 折扣:discount
你減價賣出商品嘅折扣,即係平咗幾多錢。 - 售價:selling price
售價係指最終件商品賣咗幾錢。 - 折扣率:discount percentage
留意中文嘅9折係等於英文”10% discount”。”10% discount”中的10%就係折扣率。
中文9折係會寫成”10%折扣率”。 - 盈利:profit
盈利係你賣出件商品賺咗幾多錢。因為已知有錢賺,所以售價大過成本。 - 虧蝕:loss
係你賣出件商品蝕咗幾多錢。因為已知係蝕錢,所以售價低過成本。 - 盈利百分率:profit percentage
盈利係成本的百分幾 (以%表示) - 虧蝕百分率 : loss percentage
虧蝕係成本的百分幾 (以%表示)
下一步就係要明白以下嘅式:
- \(折扣 = 標價 – 售價\)
- \(售價 = 標價 \times (1 – 折扣百分率) \)
- \(售價 = 成本 \times (1 + 盈利百分率)\)
- \(盈利 = 售價 – 成本\)
\(虧蝕 = 成本 – 售價 \) - \(盈利百分率 = \dfrac{盈利}{成本} \times 100\%\)
- 以上我只係將常用嘅式列出,可能你會識其他嘅式。
做有關買賣嘅題目時,最緊要諗吓題目要你計嗰個數係點計,同咩有關。
例如題目要你計盈利百分數,先諗返條式,咁你就會知你要先找“盈利”同“成本”。之後再睇題目有冇話你知“盈利”同“成本”係幾多。
- 知就代數字再解方程計“盈利百分數”;
- 唔知就要重複用同一方法先計“盈利”同“成本”,最後就代數字入條式度,再解方程。