需求量改變和需求改變的分別

C.2.4. 需求量改變和需求改變的分別

就咁睇，我哋可能會覺得“需求量大咗”同“需求大咗”係一樣。

• 但站喺經濟學同考試嘅立場嚟講，兩者係有好大嘅分別、要表達嘅嘢係好唔同嘅。

要明白“需求量改變和需求改變的分別”，我哋先要明白“需求和需求量嘅分別”

• 喺前面“1需求定律”同“C.2個別需求嘅引言”度已經講過：
  • 需求量係指當貨品處於某一個價格時，消費者願意並有能力購買該貨品嘅數量。
  • 需求係指喺一段時間內、當其他因素不變嘅情況之下，消費者喺不同價格願意並有能力購買嘅物品數量。
• 如果用需求表嚟講，
  • 需求就係成個表嘅內容；需求量就只係其中一行
• 如果用求曲線嚟講，
  • 需求就係成條曲線；需求量就只係曲線上其中一點

溫完“需求和需求量嘅分別”，都係時候講“需求量改變和需求改變的分別”。

• 需求量改變 喺講緊當其他因素不變嘅時候，因為價格改變而引致嘅需求量改變。
  • 用需求表嘅字睇嚟講就係：因為價格改變，所以我哋要睇另一行嘅數據。
  • 用需求曲線嘅字睇嚟講就係：代表需求量嘅一點因為價格改變而喺曲線上移動咗。
  • 下面就係利用咗需求表同需求曲線嚟表達“當其他因素不變時，物品價格由$10下降而引致需求量上升 ”嘅情況。

• 需求改變 喺講緊當其他因素改變嘅時候，喺不同價格下嘅新需求量。
  • 用需求表嘅字睇嚟講就係：因為其他因素改變，所以我哋要一個新嘅表（或者要更改每一行嘅數據）。
  • 用需求曲線嘅字睇嚟講就係：成條曲線移動咗。
  • 下面就顯示咗當某些因素改變（例如收入增加咗）後需求嘅改變。
    
    
    • 因為我哋從可以從某一個價格嘅新、舊需求量嚟睇出需求增加定減少咗，所以我哋通常我睇條曲線係向左定向右移動。
    • 另一點要留意嘅係新舊嘅需求曲線要用唔同嘅標記（例如D₁、D₂）。