利潤極大化的目標

B.7.1. 利潤極大化 的目標

一般嚟講，商業性質嘅廠商都係想將利潤極大化（即係想賺最多嘅錢）。

• 但問題就在點先可以做到將利潤極大化。
  • 如果咁易做到就人人走去開公司做生意了！
• 喺DSE入面，我哋只會考慮“喺已知價格同邊際成本嘅情況下將利潤極大化”。
  • 而其他因素例如消費量（即係產品賣唔賣得出）就唔會理。

 

B.7.1.1. 利潤作為總收入及總成本的差額

利潤嘅定義係“總收入與總成本嘅差額”。

• 用數式嚟表示就係： 利潤 = 總收入 – 總成本
  • “正利潤”即係“有錢賺、有盈利”、“負利潤”即係“有虧損”

簡單嚟講（假設廠商所生產嘅產品都賣得晒）：

• 總收入 = 產品價格（即售價）x產量
• 總成本 = 廠商一切支出嘅總和，包括勞工成本、源材料、租金等等。

 

B.7.1.2. 個別廠商以已知價格及邊際成本表決定利潤極大化的產量

要明白到底廠商點樣利用“已知價格及邊際成本表”嚟搵到可以將利潤極大化嘅產量，我哋可以睇吓以下嘅例子。

產量	價格	總收入	總成本	總利潤	邊際收入	邊際成本	邊際利潤
0	20	0	20	-20	–	–	–
1	20	20	25	-5	20	5	15
2	20	40	35	5	20	10	10
3	20	60	50	10	20	15	5
4	20	80	70	10	20	20	0
5	20	100	95	5	20	25	-5
6	20	120	125	-5	20	30	-10

  先講吓個表入面嘅每一欄係點得出嚟、同代表D咩：

• “產量”喺指廠量生產幾多產品，單位略去（實際可以係1000、2000架車）。
• “價格”係指產品嘅價格。為求簡單，我哋當價格唔會因為產量變而改變。
• “總收入”喺售出產品後嘅總收入，用“產量x價格”計出嚟嘅。
• “總成本”喺廠商嘅總支出，喺個表度唔係計數計出嚟，而喺一個“實數”。
• “總利潤”喺用公式“總收入 – 總成本”計出嚟嘅。
• “邊際收入”喺指當產量改變一個單位時總收入嘅改變。
  • 例如：產量2嘅邊際收入 = “產量2嘅總收入”－“產量1嘅總收入”
• “邊際成本”喺指當產量改變一個單位時總成本嘅改變。
• “邊際利潤”喺指當產量改變一個單位時總利潤嘅改變。

假如我哋要利用前面嗰一個表嚟決定“利潤極大化嘅產量”，我諗你一睇都會見到最大利潤係“10”，而相應嘅產量可以係3或者4。 以上嘅方法只係一個“簡單”嘅方法。但喺經濟入面，我哋要學另一種“方法”。

• 依個方法法就係“利用邊際利潤”。
• 只要當產量改變（增加）時“邊際收入 ＞ 邊際成本”（即邊際利潤＞0），咁就代表咗產量嘅增加會為廠商帶嚟更多利潤。
• 因此，利潤極大化嘅條件係“邊際利潤 = 0”或者“邊際收入 = 邊際成本”。
• 而因“價格=邊際收入” （因為增加咗嘅產量售出後嘅收入就係產品嘅價格），
  • 所以以上條件亦可寫成“價格=邊際收入=邊際成本”。
• 根據依個方法，前面嘅表入面嘅利潤極大化產量 = 4。
  • 可能你會問，“其實產量3嘅利潤都係一樣，點解“4”唔可以喺答案？”
  • 你可以想像自己喺廠商，因為你唔係先知，所以唔會有依個表。但根據目前嘅營運數據，你見到目前產量嘅邊際收入＞邊際成本（即邊際利潤＞0），咁你喺唔喺會增加產量先！？（記住，邊際利潤＞0代表增加產量會增加利潤）。
    • 只有當你增加產量後你先會發現新嘅產量嘅邊際利潤=0。
    • 雖然你實際冇賺更多嘅錢，但你可以好肯定知邊目前嘅產量已經將利潤極大化了！

 

B.7.1.3. 邊際成本表作為個別廠商的供應表

其實所謂嘅“邊際成本表”唔係前個大表，而係只列出“產量、邊際成本”嘅表。 而“供應表”就係當列出“產品價格、供應量”嘅表。

• 即係當產品價格喺唔同水平嘅時候廠商嘅產量。
• 仲係唔明？你諗吓，如果一種產品嘅價格由$10變成$1000，咁廠商係唔係會馬上大量生產該產品！

明白咗依兩個表之後，我哋就要睇吓佢哋嘅關係。

• 根據前面所講，將利潤極大化嘅條件係“價格 = 邊際成本”
  • 咁即係講廠商會一路生產直至邊際成本等於價格。
• 因此只要我哋將“唔同產量會帶出唔同嘅邊際成本”諗成“因為要極大化利潤，所以最終嘅產量會令到邊際成本會等於價格”，咁就會得到以下嘅結論：
  • “邊際成本表”其實“供應表”基本上係一樣，只喺欄位嘅先後次序唔同。
  • 例如用返前面嘅大表，該廠商嘅“邊際成本表”同“供應表”會係：