規模經濟和規模負經濟
B.6.4. 規模經濟 和 規模負經濟
喺度先講吓咩係叫 規模經濟 (因為大家睇個名都可能唔知佢係講緊咩):
- 規模經濟係指當廠商擴充生產規模時向帶嚟嘅經濟效益。
- 效益嘅例子包括:平均生產成本下降、邊際產量上升。
- 規模負經濟基本上同規模經濟都係同一樣嘢,只不過係用嚟指出廠商擴充生產規模時向帶嚟嘅經濟效益係“負數”!
- 即係擴充時反而有損失或遇到問題。
§ 根據文憑試課程,我哋只係要識得用平均成本(即平均生產成本)嚟解釋“規模經濟”。
規模經濟又有兩種分法:
- “內部規模經濟”及“內部規模負經濟”
- 內部係指對“某一間廠商嚟講”。
- “外部規模經濟”及“外部規模負經濟”
- 外部係指對“某一個行業”(即指“所有從事該行業”嘅廠商)。
B.6.4.1 內部規模經濟及內部規模負經濟
當廠商擴大生產規模時,造成“內部規模經濟”嘅原因或情形包括有:
- 較大嘅廠商大量購買投入(例如原材料)時可獲得折扣。
- 因固定成本(如租金)不變,所以當固定生要素未被充份利用時,增加產量可減低平均成本。
- 大型廠商往往因擁有較多固定實質資產,所以向銀行貸款時可享有較低嘅利率。
- 記住,就算廠商有錢,佢哋好多時都會向銀行貸款。
- 較大嘅廠商一般會聘請專業人士管理公司。平均平本會因營運效率提升而下降。
- 較大嘅廠商因可以喺不同嘅市場上生產不同嘅產品。咁做亦可以令平均成本下降。
- 可能你會問,唔同產品嘅成本都會唔同,咁應該係“生產最低成本嘅產品”先係最好。理論就係咁,但實際上因為市場嘅變化,多元化嘅產品嘅平均成本會較低。
- 較大嘅廠商一般投放喺研究及技術改良嘅資源會較多。生產效率會因應技術提升而提升。
- 實際仲有其他嘅原因。總之只要可以令平均成本下降,“內部規模經濟”就會發生。
當廠商不斷擴大生產規模時,“內部規模經濟”會發生嘅原因或情形包括有:
- 當大規模生產時,不同生產要素嘅協調會變得困難。而生產效率因而下降。
- 詳情可以睇返前面有關“邊際產量”嘅內容。
- 廠商可能會因擁有較多貸款而被銀行視為高風險貸款者(特別當經濟環境差時)。銀行會因而將放貸利率提升。
B.6.4.2 外部規模經濟及外部規模負經濟
當某一行業嘅“整個行業的生產規模”擴大時,“內部規模經濟”發生可能會使該行業內所有廠商嘅平均生產成本下降。平均生產成本下降嘅原因包括有:
- 廠商間分享生產器材、資源及技術等。
- 當某一行業擴大時,該行業能吸引更多有相關經驗及才能嘅人加入。聘請及培訓工人的成本因而下降(咁最終亦會導致平均成本下降)。
- 因行業擴大,所以對相關嘅支援服務(例如運輸、通訊等)嘅需求亦相應增加。這吸引更多人加入提供當相關支援服,而競爭會因此產生。這通常會令到使用這樣支援服務嘅成本降低。
- 行業擴充通常代表消費者會對該行業更為熟悉及接受、甚至成為一種潮流。相關產品嘅推廣成本會因此減低。
另一方面,當某行業嘅“整個行業的生產規模”規模過大嘅時候,“內部規模負經濟”就會發生而令到行業內所有廠商嘅平均生產成本上升。而當中嘅原因包括有:
- 當某一行業擴大而有相關經驗及才能嘅人不足以應付行業需求嘅時候,廠商只好以“加人工、福利”等方法挽留及招聘勞工。勞工嘅成本因而上升。
- 其實當行業對相關支援服務嘅需求增加係唔係一定會令使用支援服務嘅成本降低並唔係一定嘅。其實好多時當“提供支援服務嘅公司”見到需求增加嘅時候都會加價。
- 依種形情特別容易發生喺一D供應量有限嘅支援服務。例如對航運業嚟講,因為航運公司並唔係話加船就加,因此運貨量唔可以即時增加。因此當出入口行業擴充時,廠商只好以更高嘅價格嚟購買“運貨量”。
- 除此之外,行業擴大代表行業對相關嘅生產要素(例如店鋪、寫字樓、原材料)嘅需求亦會增加。需求增加亦會令生產要素嘅價格上令。最終平均生產成本亦會上升。
§ 唔知你睇完上面有關引致“外部規模經濟”同“外部規模負經濟”嘅原因會唔會好亂。例如“對支援服務需求增加”咁,一時會令成本下降、一時又會令成本上升。
- 其實經濟好多時都係咁,就算同一樣嘅嘢發生,但係結果都可能好唔同。重點在於你點吹、點解釋。