住戶的消費與廠商的生產
A.5. 經濟活動的循環流程
提到濟活動,最主要嘅可以話係 消費與出產 。而為求簡單,DSE經濟會針對 住戶的消費與廠商的生產 。
- 消費係指以資源直接滿足慾望嘅活動。
- 生產係指將投入轉化成產出嘅活動。
A.5.1. 住戶的消費與廠商的生產
消費係指以資源直接滿足慾望嘅活動。
- 而住戶就係最常見嘅消費者。
- 當中最簡單不過嘅例子係用錢去買商品或進行娛樂活動。
生產係指將投入轉化成產出嘅活動。
- 而廠商就係最常見嘅生產者。
- 當中嘅產出可以係有形(例如商品)同冇形(例如服務)。
從以上消費嘅例子,我哋可以見到只要當生產者同消費者唔係同一個人嘅時候,當中就會涉及巿場交易。
- 但留意當生產者同消費者係同一個人嘅時候,巿場交易並唔會發生。
- 例如農民耕作時係生產者。但當佢用自己嘅農作收成嘅時候,佢就係一個消費者。