生產、收入和支出的關係

A.5.1.    生產、收入和支出的關係

從以上所講嘅嘢，我哋可以見到住戶付出錢嚟從廠商手中得到產出。 咁到底住戶又從邊度得到錢嚟消費呢？而廠商從消費者身上得到錢後會點用呢？ 當中會涉及到 生產、收入和支出的關係，而這亦是大家喺“經濟活動的循環流程”依課要學嘅嘢。

下圖顯示咗一個簡單嘅經濟活動嘅循環流程。

簡單係因為有以下嘅假設：

1. 循環中只有住戶及廠商。
   • 其他角色及要素（如政府、外貿）並冇出現。
   • 住戶及廠商嘅角色係獨立嘅。
     （喺現實中，好多人會喺唔同嘅情況下扮演廠商同住戶。）
2. 住戶和廠商都沒有儲蓄。
   • 住戶會把所有收入用作支出
   • 廠商會把所有收入用作購買生產要素。

喺依個循環入面有兩個巿場：

1. 產品巿場
   • 實質流程：廠商生產及出售產出（包括商品和服務）、住戶購買及享用產出。
   • 貨幣流程：住戶要得到產出便須付出、而廠商就因此得到收入。
2. 要素巿場
   • 實質流程：為咗生產產出、廠商要從住戶購入生產要素（如原材料、工人）。
   • 貨幣流程：廠商要得到生產要素就須要付出（即支付要素成本）、而住戶就因此得到收入。