排列應用題
15.3 解不同物件的無重排列應用題 (Solving Problems on the Permutation of Distinct Objects without Repetition)
喺前面我哋已經講解過排列 Permutation 嘅概念同記法,喺依課我哋就學點計同排列有關嘅數。
留意標題入面有提到“不同物件”同“無重”兩個字眼。
- “不同物件”就係指要排列嘅物件每件都唔同。而喺前面我哋都見過如果物件當中有相同嘅話,排列嘅方法會少好多。
- “無重”就係指我哋唔可以“重複”咁將同一件物件排喺兩個位置度。
- 例如題目要求我哋由 “1、2、3”入面抽出兩個數字嚟排列,咁“11、22、33”係唔係一個可能嘅排法。
- 考評局咁set個課題都只係想簡化同限制題目嘅難度同變化。
- 不過話雖如此,大家都係要留意真正考試題目嘅內容。
喺未講點做應用題前我哋先要學點計以下兩樣嘢:
- 將n件不同物件排列嘅方法數目。
- 從n件不同物件中抽出r件物件嚟排列嘅方法數目。
15.3.1 將n件不同物件排列嘅方法數目
首先,我哋可以將“把n件不同物件排列”嘅動作睇成為“先放一件物作喺第一個位,然後再放另一件物件喺第二個位,然後…… 最後放一件物件喺第n個位”。
而根據前面教過嘅“計數原理的乘法法則”,
- 將n件不同物件排列嘅方法數目
= 將一件物件放喺第一個位嘅方法數目 x
× 將一件物件放喺第二個位嘅方法數目
× 將一件物件放喺第三個位嘅方法數目
× ….
×最後放一件物件喺第n個位嘅方法數目- 而因為最初我哋有n件物件,所以有n個方法放一件物件喺第一個位度。
- 而因為“唔會重複”放物件,所以到要放物件喺第二個位嘅時候我哋只有(n – 1)件物件。咁即係有(n – 1)個方法。
- 如此類推,我哋就可以計到,
將n件不同物件排列嘅方法數目
= \(n \times (n-1) \times (n-2) \times (n-3) \times … \times 3 \times 2 \times 1\)
- 數學家為咗偷懶唔想成日寫 “\(n \times (n-1) \times (n-2) \times (n – 3) \times … \times 3 \times 2 \times 1\)”,佢哋就定義咗“階乘(factorial)”嘅概念同符號。
\(n! = n \times (n-1) \times (n-2) \times (n-3) \times … \times 3 \times 2 \times 1\)- 例如: 5! = 5 × 4 × 3 × 2 × 1 = 120
- 大家嘅計數機都應該喺有“x!”依個功能鍵嘅!請試吓用。
- 如果你覺得“階乘”個名好難記,可以當佢喺“階梯嘅乘數”,由高至1咁乘。
- 例如: 5! = 5 × 4 × 3 × 2 × 1 = 120
總結,將n件不同物件排列嘅方法數目 = n !
15.3.3 從n件不同物件中抽出r件物件嚟排列嘅方法數目
用返上面嘅諗想,
- 從n件不同物件中抽出r個物件嚟排列嘅方法數目
= 將一件物件放喺第一個位嘅方法數目
x 將一件物件放喺第二個位嘅方法數目
x 將一件物件放喺第三個位嘅方法數目
x ….
x最後放一件物件喺第r個位嘅方法數目
= \(n \times (n-1) \times (n-2) \times (n-3) \times … \times (n-r+1)\) - 喺度教一教大家點睇最尾嗰個數係(n – r + 1)。
- 其實大家只係留意 “第二個數係將n減1”、“第三個數係將n減2”入面嘅變化,咁就應該可以估到到第r個數嘅時候係“第r個數係將n減r – 1”
- 但留意到我哋寫出嚟嘅時候要有括號!
所以 第r個數係 n – (r-1),即係 n – r + 1。
- 而為咗偷懶,數學家又結果化簡成,
從n件不同物件中抽出r個物件嚟排列嘅方法數目
\(\begin{align}
&= n \times (n-1) \times (n-2) \times … \times (n-r+1) \\
&= \dfrac{n \times (n-1) \times (n-2) \times … \times (n-r+1) {\color{Red} \times (n-r) \times (n-r-1) \times … \times 3 \times 2 \times 1}}{{\color{Red}(n-r) \times (n-r-1) \times … \times 3 \times 2 \times 1}}\\
&= \dfrac{n!}{(n-r)!}
\end{align}\)
咁仲未夠懶,數學家仲用埋最前我哋講過嘅 \(P_{r}^{n}\)符號。
- 因為 nPr = 從n件不同物件中抽出r件物件嚟排列嘅方法數目,所以
\(從n件不同物件中抽出r件物件嚟排列嘅方法數目 = P_{r}^{n} = \dfrac{n!}{(n-r)!}\) - 例如:從4件不同物件中抽出2個物件嚟排列嘅方法數目
= 4P2 = 4! / (4 – 2)! = 24 / 2 = 12- 大家用緊嘅計數機其實都有“nPr”依個功能。如果你係用casio fx-3650P,咁你就可以按“4 SHIFT x 2 EXE”嚟計4P2。
15.3.3 咩係“0!”?
根據前面所講: 將n件不同物件排列嘅方法數目 = n !
但如果我哋將“將n件不同物件排列”睇成為“從n件不同物件中抽出n件物件嚟排列”,咁就計到: 將n件不同物件排列嘅方法數目 = nPn
而根據nPr嘅定義,只要代r=n,我哋計到:
\(P_{n}^{n} = \dfrac{n!}{(n-n)!} = \dfrac{n!}{0!}\)
因此我哋就會得到 0! = 1
- 唔好問到底“0!”係代表咩!依個只係一個數學上嘅推論結果/定義。
- 如果你用計數機計0!,你都會得到1依個答案。
課程冇特別要求我哋識依樣嘢。只不過如果你知道咗,咁其實你以後只要記:
\(從n件不同物件中抽出r件物件嚟排列嘅方法數目 = P_{r}^{n}\)
講到依度,我哋可以開始睇D應用題(即係文字題)。
理解題目後,其實題目所講嘅情形就係“將4件不同物件排列”。
- 排列的方法數目 = 4P4 = 24
因此,他們拍得的照片數目 = 2 x 排列的方法數目 = 48
理解題目後,其實題目所講嘅情形就係“從5件不同物件中抽出3件物件嚟排列”。
因此,角色安排的方法數目 = 5P3 = 60
依條題目較“正路”嘅諗法係:
- 先從5人中抽出2個排前面、之後剩低嗰3個就排後面。
- 5人中抽出2個排前面嘅排列方法數目 = 5P2 = 20
- 剩低嗰3個就排後面嘅排列方法數目 = 3P3 = 3! = 6
- 而因為整個排列嘅過程分成兩個步驟(即前面嘅“之後”)。因此,
他們排列的方法數目 = 20 x 6 = 120 - 你亦可以用“先從5人中抽出3個排後面、之後剩低嗰2個就排前面”嚟計。
喺度教大家另一種諗法(因為依種諗法有時會將個情形簡化咗)。
- 我哋先將5人排成一線、之後叫最左嗰兩個人行去前面嗰排。
- 將5人排成一線嘅排列方法數目 = 5P5 = 5! = 120
- “叫最左嗰兩個人行去前面嗰排”嘅方法數目 = 1
- 點解係1?咁係因為D人已經排定,所以依個步驟當中唔會再有變化。
- 你可以同“剩低嗰3個就排後面”比較。因為“剩低嗰3個”都未排好,所以當中有“排列數目”出現。
喺度再講吓同學通常會錯嘅計法:
- 有人會諗“前面2個、後面3個”,所以 排列方法數目 = 2! x 3!
- 佢諗錯咗!以為“2個人排前面”已經指定咗邊兩個人。但實際係可以由5個人中選兩個人出嚟排。
- 有人會諗“前面抽2個排、後面抽3個排”,所以 排列方法數目 = 5P2 x 5P3
- 佢又諗錯咗!第一個的確係“5P2”。但當2個人已經排咗前面之後,我哋可以選嘅人只有3個。所以第二個數應該係3P3。
這例子係屬於課程講明要識嘅“其中三個指定物件必須相鄰”。
其實只要我哋將依種“其中三個指定物件必須相鄰”嘅題目用“分步驟”嘅方法嚟計就會好易。
整個排列過程可以睇成:
- 先將小明、小強、小李三個排好。當中嘅排列方法數目 = 3! = 6。
- 緊住要做嘅就係將其他3個人同“依個3人組合”,一共4件物件排好。
而6件物件排列嘅方法數目 = 4! = 24 - 所以5人影目嘅排列方法 = 6 x 24 = 144
你可能會問,咁點解喺前面5個人排成“前2後3”兩行嗰條題目度我哋計咗前排(5P2)嘅排列方法後就用“排剩低嗰3個人”(3P3)。而唔係用“剩低3人同前面個2人組合,一共4件物件嚟排” 。
- 咁係因為前面個2人組合嘅排列位置已經定死咗喺前排。
- 但“小明、小強、小李”依個組合就冇指明位置,所以我哋要當依個組合喺一件物件,加入埋之後嘅排列方法度。
前面都係咗幾多篇幅嚟講解唔同嘅例子。
- 咁係因為排列嘅題目可以係“千變萬化”。
- 但只要大家明白上面嘅例子,再試吓用細數量嘅物件嚟試吓唔同嘅排列方法,咁題目嘅答案都會係“萬變不離其中”。