組合應用題
15.5 解不同物件的無重組合應用題 (Solving Problems on the Combination of Distinct Objects without Repetition)
喺前面我哋已經講解過組合嘅概念同記法,喺依課我哋就學點計同組合有關嘅數。
- 同排列嘅數一樣,課程只要求我哋計嘅組合應用題係“不同物件的無重組合”。
- 考評局咁set個課題都只係想簡化同限制題目嘅難度同變化。
- 如果唔記得咩係“不同物件”、“無重”嘅話,請睇返3。
15.5.1 從n件不同物件中抽出r件物件嘅組合數目
首先我哋要識得“從n件不同物件中抽出r件物件嘅排列數目”係 nPr。
- 而 \(_{n}P_{r}=\dfrac{n!}{(n – r)!}\)
而第二樣要識嘅係“排列同組合”嘅分別在於:
- 只要改變一個現有排列當中物件嘅次序(即排法)就可以得到另一個“唔同嘅”排列。但對組合嚟講,改變物件嘅次序係唔會產生一個新組合嘅。
- 而對於抽咗出嚟嗰r件物件,佢哋嘅排列數目 = rPr = r!
- 因此我哋可以推論出:
從n件不同物件中抽出r件嘅排列數目
= (從n件不同物件中抽出r件嘅組合數目) × (r件物件自己嘅排列數目)
因此,
\(從n件不同物件中抽出r件嘅組合數目 = dfrac{從n件不同物件中抽出r件嘅排列組合數目}{r件物件自己嘅排列數目}\)
- 而利用我哋學過嘅數學記法, nCr = nPr / r!
- 但通當我哋會代埋nPr嘅式入去而得到:
\(\quad _{n}C_{r}=\dfrac{n!}{r!(n-r)!}\)
利用上面學嘅式:
- 從4件不同物件中抽出2個物件嘅組合數目 = 4C2 = 4! / 2! (4 – 2)! = 24 / 2×2 = 6
- 大家嘅計數機其實者有“nCr”依個功能。如果你係用casio fx-3650P,咁你就可以按“4 SHIFT ÷ 2 EXE”嚟計4C2。
理解題目後,我哋先要明白“歌唱組合”內嘅成員根本唔重要(例如“阿Sa、阿嬌”同“阿嬌、阿Sa”根本就係同一個組合)。
因此,可行嘅組合數目 = 5C3 = 5! / (3! 2!) = 10
其實做“組合嘅應用題”同做“排列嘅應用題”嘅技巧都差唔多。
- 而更重要嘅係考試嘅時候題目唔會講你知係問緊“排列”定“組合”。
- 因此於大家就要留意“抽出嚟物件嘅次序唔同會唔會帶嚟唔同嘅意思或結果”。
- 如果會,咁就係一條“排列嘅應用題”。
- 如果唔會,咁就係一條“組合嘅應用題”。