圓相關的幾何證明

11.6 使用圓的基本性質作簡單幾何證明 (Use the Basic Properties of Circles to Perform Simple Geometric Proof)

喺演釋幾何入面除咗“俾幅圖你，要你計未知角”嘅題目之外，另一種題目就係“證明題” (Geometric Proof)。

• 做證明題唔同計未知角，題目要你證明嘅嘢係一定啱嘅。
• 而大家要做嘅就係用合理嘅論據嚟指出 “點解要證明嘅嘢係啱嘅”。
• 而當中一個好重要嘅技巧就係要諗吓可以用咩“定理”或者“逆定理”嚟做支持自己嘅論點。

有關圓嘅簡單幾何證明主要有以下幾樣嘢可以叫你證明：

• 證明一條直線係半徑
  • 可以用嘅逆定理主要係“半圓上的圓周角逆定理”。
• 證明一個四邊形係圓內接四邊形
  • 可以用嘅逆定理主要係“圓內接四邊形對角互補逆定理”同“同弓形內的圓周角逆定理”。
• 證明一條線係圓嘅切線
  • 可以用嘅逆定理主要係“切線⊥半徑逆定理”同“交錯弓形的圓周角逆定理”。