社會怎樣處理三個基本經濟問題

A.3.2.    社會怎樣處理三個基本經濟問題 (How Society Tackles The Basic Economic Problems)

前面提到三個基本經濟問題 (The Three Basic Economic Problems) 時其實已經有提到一D處理嘅方法。喺度我哋會仔細D咁將依D方法分類。

• 留意喺課程入面講明只須用例子闡釋，無須涉及當中嘅理論。

A.3.2.1 根據社會風俗和慣例

“根據社會風俗和慣例”可以話係跟傳統、習俗嚟處理三個基本經濟問題。

依種方法亦被稱為“傳統經濟”。

例子：

• “中秋節就整月餅”、“新年就整年糕”就係根據社會風俗喺決定生產D咩。
• 而“怎樣生產”方面，好多民族或人都依然會放棄現代化方法而繼續用“傳統方法”，例如有人會先睇風水後才決定興建袓先山墓嘅位置。
• 另外傳統村莊嘅“阿公分豬仔”（只有男丁先有得分）、女性冇得分遺產就係用社會風俗嚟解決“為誰生產”嘅例子。

A.3.2.2 由政府決定

喺一個社會入面，政府往往擁有大量資源（包括金錢、權力等）而亦能作出好多市民要跟住做嘅政策、計劃嚟。處理三個基本經濟問題。

依種方法亦被稱為“計劃經濟”。

例子：

• 喺社會規劃入面，政府會決定每幅土地嘅用途（地產商都唔可以喺工業用地度興建住宅）。依個就喺政府用佢嘅權力嚟處理“生產甚麼”嘅問題。
• 至於處理“怎樣生產”嘅問題，政府透過立法而令食物生產商唔可以使用某些不合衛生、安全標準嘅材料。
• 而前面提到嘅“居者有其屋”就喺政府處理“為誰生產”嘅例子。

A.3.2.3 利用市場機制

利用市場機制嚟處理三個基本經濟問題可以話係商業社會最常用嘅方法。

當中生產商處理三個基本經濟問題嘅原則係要最大化己嘅利益，而其他人就會為滿足自己嘅慾望而付出自己認為合理嘅代價或成本。

依種方法亦被稱為“巿場經濟”。

• 喺生產D咩方面，喺巿場經纃入面生產商會根據巿場需要、潮流嚟決定生產D咩。
• 而喺考慮“怎樣生產”嘅時候，生產商往往只會為求降低生產成本。例如會將生產外判或將工廠遷往人工較低嘅地方。
• 而喺“為誰生產”問題上面生產商因為多數會用“價高者得”嘅慮理方法，所以好少會去指定邊個可以得到產出（就算有都只係因為想最大化利益）。

§ 以上所講嘅都只係好“理論、極端化”嘅分類。現實入面嘅經濟體系都係一個混合體系。

• 就以“中秋節整月餅”嚟講，雖然好似係基於風俗而決定嘅，但試問如果巿場上面冇人買，生產商又點會整呢？