12. 演繹推理幾何 > 求未知角的技巧

12.2. 求未知角的技巧

面對演繹推理幾何，大家都一定有試過睇住幅圖好耐都唔知點樣先計到題目要你計嘅嗰隻角。不過圖可以係千變萬化，但當中有幾個好重要嘅求未知角的技巧係永恆不變的。大家只要每次都運用，做題目時應會覺得容易咗。

按DSE𧡨目係唔會有廢話嘅原則，我哋係要用晒所有題目俾我哋嘅資料先可以求到個未知角。如果你用少一個提示，極有可能根本係冇可能計到條數，或者你要走多好多寃枉路。

除咗D角度（例如∠ABC = 70^o）之外，我哋亦要注意圖形中特別之處（例如平行邊、等腰三角形、圓的直徑、圓的切線等）。只要搵到依D特別之處，用一用相關嘅定理，答案好可能已經啾呼之欲出。

簡單嘅題目我哋當然係用一個定理就求到個未知角。但依個唔係必然嘅。好多時我哋可能要用咗兩、三個定理之後先求到個未知角。

遇到比較深嘅題目，幅圖可能有幾個特別之處。同學會問咁用邊個先呢？喺依個時候，你可以先問自己

用返前一頁嘅例子：求右圖中的未知數。先當我哋唔知點先可以求到a。

我哋可以諗吓我哋要知道邊隻角先可以計到個a。最容易睇就係a隔離隻角（因為只要求到佢，我哋可以用直線上的鄰角嚟計a）。我哋叫佢做x。咁幅圖就會變成下面幅圖咁：

到依度，我哋就要諗吓點計x。重覆用以上幾個技巧，我哋會發覺x同隻70^o角係同位角。所以x = 70^o，即係我哋可以計到a。

到依一刻，我地就可以喺答案簿度寫個答案。當然，我地先寫點計到個x，然後才寫點計a。