3. 指數函數及對數函數

咩係 指數函數 及 對數函數

指數函數 係指  \(a^{x}\)； 對數函數 係指 \(log_{a}x\)。

• 當a叫做“底”（base）。
  • 對一個指數函數或者對數函數嚟講佢係一個實數，係唔會變嘅。
  • 例如a可以係2。
• x係一個變量。而隨住x改變，函數嘅值就會變。
  • 例如2³ = 8，2⁴ = 16。
• 我相信對大部份嘅同學嚟講，log依個函數都係好陌生。後面會詳細ｄ再講。

雖然依個課題係被列為“非基礎課題”，但咁並唔等於大家可以唔理指數。相反，簡單嘅指數化簡係每年卷二必出嘅題目，如果連依幾分都唔去攞，咁唔通唔想合格?

• 如果我哋參照返2010年“末代”會考數學嘅課程，喺“基礎部分”度係有“利用整數指數定律以化簡最多含兩個變數的代數式”。
  • 其實依類嘅題目同技巧其實已經喺初中嘅時候教過。
• 而文憑數學係會當大家已經完成初中課程，所以都可能會出一D“初中課程”嘅題目。所以我哋唔可以講考評局亂出卷。
• 所以喺度同大家溫一溫“整數指數定律”。
  • 其實依一課所教嘅“有理數指數定律”都唔係太難明，數學能力較差嘅同學都可以試吓去學埋佢。
• 至於 “對數”嗰一部份，大家就要量力而為，因為考嘅比重唔應該好大。而大家見同做對數嘅題目又真係唔係好多，數學唔好嘅同學會好易唔記得點計對數都正常嘅…..