統計方法的應用和誤用

18.2 討論及認識各種日常活動或調查中 統計方法的應用和誤用 (Discussing and Recognising the Uses and Abuses of Statistical Methods in various Daily-life Activities or Investigations)

「討論及認識各種日常活動或調查中 統計方法的應用和誤用 」? 我認為依課嘅標題定得好含糊。

• 可能係因為依課係吹水課，唔似得其也課題咁有數學公式要學。
• 而亦因為咁，所以好難出題目考大家（數學卷嘅題目又點可以冇客觀嘅標準答案呢！）

18.2.1  統計方法的應用

透過統計，我哋可以更加仔細分析及了解數據組。

• 例如我哋可以用平均值、中位數等資料嚟量度數據嘅集中趨勢。
• 又例如我哋可以用標法差、分佈距、四分位數間距數等資料嚟量度數據嘅分散程度。
• 而透過比較兩組數據嘅統計結果，我哋可以更公平咁比較兩組數據。
• 而透過比較同一群體、但唔同時間收集返嚟嘅數據統計結果，我哋可以了解及分析群體嘅變化。

除咗統計結果，“抽取調查樣本”亦係好重要。

• 透過“抽取調查樣本”，我哋就唔須要對群體中嘅每一個個體進行調查、分析或收集相關數據，但又可以得到一個可信性高、能代表整個群體嘅統計結果。

18.2.2  統計方法的誤用

誤用統計方法極有可能導致調查結果不正確或無效。

• 誤用統計方法嘅例子包括：
  • 誤用抽樣的方法
    • 例如好多人都以為街頭訪問嘅抽樣已變“好公平”。但係喺前面一節入面已經解釋咗街頭訪問係“非概率抽樣”。
  • 樣本太小
    • 試諗吓，如果我話你知我因為想知道香港人嘅平均時薪，所以我用咗“概率抽樣”嘅方法抽出100人做接受調查，咁你會唔會認受我個統計結果信得過？